Limbago Mamagang Bicaro ( Aturan dan Tatakrama dalam Berbicara ) Pituah Bundo Kanduang

Catatan Emral Djamal Dt Rajo Mudo 

Pituah Bundo Kanduang, Yang Dipertuan Daulat Putri Panjang Rambut, Rajo Alam Minangkabau, ketika bicara menasehati kedua orang anaknya Dang Tuanku, Sutan Remendung, Dan Cindua Mato, Dang Bagindo Rajo Mudo.
(Tambo Bungka Nan Piawai)

Tutur ini disampaikan ketika Bundo Kandung sedang diskusi bagaimana kalau mau berbicara dihadapan orang ramai (publik) sehingga tidak terjadi salah tafsir, dan mengajarkan Ilmu Silat kepada Dang Tuanku dan Cindua Mato kedua anak yang disayanginya, satu ayah duo mandenyo.

“Manolah anak kanduang denai, dangalah dek waang elok-elok :

Limbago mamagang bicaro, tidua siang bajago malam, jikok mamagang taguah-taguah, jikok manimbang samo barek, jikok duduak marawik ranjau, jikok tagak manahan jarah, bak itu urang baraka, manghubungkan barang nan pendek, malambuak barang nan kareh, bukan murah mamagang hukum.
aturan dan tatakrama berbicara
rumah gadang  (foto:arris Aputra)
Hukum salapan parkaronyo, hukum rajo lain tarieknyo, perpatih lain hukumnyo, mufakat lain hukumnyo, kitab Allah lain tariknyo, janganlah itu dicampur-campurkan.

Dangakan bana tu dek nak kanduang, taruahkan sungguah-sung guah di dalam hati.

Salah hamba rakyat limo parkaro, partamo salah tangannyo, keduo salah kakinyo, ketigo salah matonyo kaampat salah lakunyo, kalimo salah mulutnyo.

Hukum rajo duo parkaro, satu hidup keduo mati. Bahaso hidup manang hukumnyo, bahaso mati kalah hukumnyo.

Perpatih tigo hukumnyo : satu hutang barbayar, keduo piutang bartarimo, katigo suarang diagiah.

Saudagar duo hukumnyo, kato awal jo kato akhir, kato batin jo kato lahir.

Biopari tigo hukumnyo, satu dilihat, keduo didanga, katigo tagangam tandonyo.

Hukum akal tigo parkaro, 
kasatu wajib pado akal, 
keduo jaiz pado akal, 
ketigo mustahil pado akal.

Jika Adat tiga hukumnya, pertama bayan salahnya, kedua berdiri saksi, ketiga tergenggam tandonyo.

Jikok kitab duo hukumnyo, partamo tantu fatsalnyo, kaduo tantu babnyo. “
“Bungka Nan Pawai”

* Emral Djamal Dt Rajo Mudo, Pengasuh Salimbado Grup Silat Dan Pusat Kajian Tradisi Alam Minangabau Sumatera Barat

Artikel Terkait